टोकियो
जापानमा रहेका म्याग्देलीहरुको साझा सस्था प्रवासी नेपाली संघ (मोना) जापानको आठौं अधिवेशन यहि सेप्टेम्बर ३ तारिख टोकियोमा हुने भएको छ ।
दुई बर्षको कार्यकाल रहने मोना जापानमा हालै बसेको कार्यसमितिको बैठकले आगमी सेप्टेम्बर ३ तारिक टोकियोमा अधिवेशन गर्नेनिर्णय गरेको अध्यक्ष सचिन श्रेष्ठले जानकारी दिनु भएको छ ।
महाधिवेशनबाट नयाँ नेतृत्व सहित बिधानलाई संशोधन, भावी कार्ययोजना एवं कार्यप्रगति र आर्थिक प्रतिवेदन पारित गरिने कार्ययोजनारहेको महासचिव गणेश श्रेष्ठले बताउनु भयो ।
कोषाध्यक्ष ज्ञानेन्द्र केसी कार्कीका अनुसार मोना जापानको आठौं महाधिवेशन टोकियोको नेपाली हब मानिने शिनओकुबो स्थित जापानग्लास इन्डष्ट्रिको सेन्टर हल (Address: 3-21-16 Hyakunincho, Shinjuku-Ku, Tokyo 169-0073) मा हुने भएको छ ।महाधिवेशनको बिहानी चरणमा बन्द सत्र हुने र अपरान्ह खुल्ला सत्र अर्थात घोषणा सभा हुने उनले बताए ।
आठौ अधिवेशनबाट आगामी दुई बर्षको कार्यकालका लागि नयां नेतृत्व चयन गर्नका लागि तिलक मल्लको संयोजकत्वमा निर्वाचनसमिति गठन गरिएको छ ।
अधिवेशनमा विविध मनोरञ्जनात्मक साँगीतिक प्रस्तुतीहरु सहित म्याग्देली लोकभाका तथा लोकनृत्यहरुको प्रस्तुती रहनेजनाईएको छ ।