टोकियो
जापानको फुकुओकामा नेपाली विद्यार्थीको हत्या भएको छ ।
विद्यार्थी भिषामा अध्ययनका लागि तिन बर्ष अधि जापानको फुकुओकामा जापानिज भाषा विद्यार्थीका रुपमा आएका नेपाल गोर्खा घर भएका बर्सिला थरका नेपाली विद्यार्थीको हत्याको भएको हो ।
नेपाली राजदूतबास टोकियोले दिएको जानकारी अनुसार फुकुओकामा एक नेपाली विद्यार्थीको शंकास्पद मृत्यू भएको भन्दै जापान प्रहरीले थप अनुसन्धनका लागि समय लाग्ने जानकारी दिएको बताएको छ ।
हत्याको आरोपमा थप दुई जना नेपाली यूवालाई पनि जापान प्रहरीले पक्राउ गरेको समाचार प्राप्त भएको छ ।पक्राउ पर्नेमा सगै कोठामा बस्ने ढकाल थरका नेपाली युवा अर्का मगर थरका युवालाई पनि प्रहरीले पक्राउ गरेको छ ।
विहिबार तिन जना साथिहरुसगै बसि सगै रात विताएका थिए । मध्यरातमा झगडा पस्चात हातपात भएको हुन सक्ने बताईएको छ ।
पोष्टमार्टम पछि मृत्यूको कारण स्पष्ट हुने बताउदै धटनाको जानकारी नेपालमा रहेको परिवारलाई जानकारी गराईको मृतक बर्सिला अध्ययन गर्ने विद्यालयले जानकारी दिएको छ ।