टोकियो
जापानिज भाषा बिद्यार्थी भिषामा जापानको किताक्युस्यु आएका नेपाली विद्यार्थीहरुले दैनिक घर खर्च चलाउन नसकेपछि राहत लिन बाध्य भएको समाचार छ ।
जापानिज समाचार निसिनिहोन सिम्बुनले जनाए अनुसार किता क्युस्युमा एकैपटक ३ सय जनाभन्दा बढि बिद्यार्थी आईपुगेपछि उनिहरुले विगत ६ महिनादेखि काम नपाएको कारण राहत लिन बाध्य हुनुपरेको समाचार छ ।
निसिनिहोनले तस्विर सहित केहि नेपाली बिद्यार्थीहरुले राहत लिएको तस्विर सार्वजानिक गर्दै पार्टटाईम काम नपाएको र सगै लिएर आएको पैसा सकिएपछि स्थानिय र केहि सहयोगी सस्थाहरुले बिद्रार्थीहरुलाई आवस्यक सहयोग गरिएको बताईएको छ ।
समाचारमा जनाईए अनुसार करिब साँढे २ घण्टा जति लाईन लागेर बिद्यार्थीहरुले सामानहरु लिएर गएको बताइएको छ। महिनाको ३ तारिख साँझ बजार क्षेत्रमा करिब १६० जना नेपाली युवाहरु स्थानीय सरकार र सहरका अन्तर्राष्ट्रिय विद्यार्थी सहयोग संगठनहरूले निःशुल्क दान गरिएको रोटी, तरकारी, पानी, चामल, आदि लिनको लागि लाईनमा उभिएको समाचारमा उल्लेख गरिएको छ।।
जापान सरकारले सीमानामा खुकुलो पारेसंगै वर्षको मेदेखि जुनसम्म ३ सय १० विद्यार्थीहरु भाषा पढ्नका लागि आएको समाचारमा जनाईएको छ ।