टोकियो
जापानमा क्रियासील कावासाकी वुल्सको आयोजनामा गत वर्षदेखि सन्चालित भेट्रान्स गोल्ड कप जुलाई १७ आईतबार हुने भएको छ ।
३५ बर्ष उमेरमाथीका खेलाडीहरुको प्रतियोगिता भए तापनि गत सिजन जस्तै प्रत्येक टिमले २ जना ३५ वर्ष नपुगेका र ३० बर्ष कटेको खेलाडी टिममा समावेश गर्न पाईने छ । पुरस्कार राशीमा गत सिजन भन्दा केहि वृद्धि गरेको क्ल्वका अध्यक्ष मिथुन गुरुङले वताए।
पहिलो संस्करण सभ्य र भव्य तवरले समापन भएकोले सोहि सफलतालाई उर्जाको रुपमा लिंदै दोस्रो संस्करणको तयारीमा जुटेको उपाध्यक्ष एवं कार्यक्रम संयोजक कुल गुरुङले वताए । ३५,००० येन प्रवेश शुल्क रहेको प्रतियोगिताको विजेता टिमले २३३,३३३ येन नगदको साथै ट्रफी, मेडल र प्रमाणपत्र हात पार्नेछन् भने उप-विजेता टिमले १२२,२२२ येन नगद सहित ट्रफी, मेडल र प्रमाणपत्र हात पार्नेछन् यसैगरी विभिन्न विधामा उत्कृष्ट खेलाडीहरुलाई पनि ५,००० येन नगद प्रतिव्यक्ति पुरस्कारको व्यवस्था गरिएको छ भने सर्वोत्कृष्ट खेलाडीको लागि १०,००० येन नगद पुरस्कारको व्यवस्था रहेको छ । त्यसैगरी उत्कृष्ट र अनुशासित टिमलाई विशेष ट्रफी पुरस्कारको व्यवस्था रहेको सचिव दिनेश गुरुङले वताए ।
पहिलो सिजनमा सहभागिता जनाई सहयोग गर्ने विभिन्न फुटवल टिम/क्लवहरुलाई जुलाई ९ तारिख सम्म आ-आफ्नो टिम दर्ता गरिदिन आयोजकले अनुरोध गरेको छ ।