टोकियो
गैर आवासीय नेपाली संघ (एनआरएनए) जापानको आगामी कार्यकालका लागि बरिष्ठ उपाध्यक्ष नबिन निउरेले अध्यक्ष पदमा उमेद्वारी दिने घोषणा गरेका छन् ।
स-परिवार सहित अध्यक्ष पदको घोषणा सभामा उपस्थित भएका न्यूउरेले ८ बुंदा सहित ४ भागमा ८ पेजमा समाबेस गरिएका शिर्षकहरु सहितको आफ्नो योजनाहरु आईतबार टोकियोमा पत्रकार सम्मेलनको आयोजनागरी प्रस्तुत गरेका थिए ।
निउरेले ८ बुंदे घोषणापत्रमा जापानमा नेपाली समुदयका लागि बहुद्देश्यीय नेपाल हाउस निर्माण गरिने एवं नेपाली समुदयका लागि शिव मन्दिर निर्माण गरिने योजना रहेका जानकारी दिएका थिए ।
न्यूउरेले वर्तमान कार्यसमितिले सुरु गरेका राम्रा कार्यक्रमहरुलाई निरन्तरता दिदै सस्थाको संचालन ब्यक्तिको नभई विधिले गरिने घोषणा पत्रमा उल्लेख गरेका छन ।
सन् २०११ देखि एनआरएनए अभियानमा सक्रिय न्यूउरे २०११ मा कान्तोउ क्षेत्रको सदस्य हुँदै वर्तमान एनआरएनए जापानका बरिष्ठ उपाध्यक्ष पदमा क्रियासिल रहेका छन ।
अध्यक्ष पदका लागि उपध्यक्ष रामकृष्ण श्रेष्ठ, उपाध्यक्ष राजकुमार अधिकारी, उपाध्यक्ष संगिता अधिकारी र महासचिव सिद्दार्थ श्रेष्ठ अध्यक्षका लागि आकांक्षी देखिएका छन् । तर उनीहरुले अहिले सम्म आधिकारीक रुपमा उमेद्ववारी घोषणा भने गरिसकेका छैनन् ।
एनआरएनए जापानको ११ औं महाधिबेशन जुलाई २९ तारिख योकोहामा सम्पन्न गर्ने मिति तय गरिएको छ ।