टोकियो
जापानको वाकायामा प्रिफेक्चरको वाकायामा शहरमा आज विहान भएको बम बिस्फोटनमा जापानका प्रधानमन्त्री किसिदा फुमियो सुरक्षित रहेको जापान सरकारले जानकारी दिएको छ ।
शनिबार विहान ११ः३० बजे वाकायामा शहरको साइगासाकी माछा मार्ने बन्दरगाहको निरीक्षण गरी रहेका बेला बम बिस्फोटन भएको थियो । बम बिस्फोटन भएको स्थान आज प्रधानमन्री किसिदाले सम्बोधन गर्ने स्थान नजिक रहेको एनएचकेले जनाएको छ ।
प्रधानमन्त्री किसिदा सुरक्षित रहेको एनएचकेले जनाएको छ । बम बिस्फोटन बन्दरगाहमा ब्यवसाय गर्नेले आफ्नो ब्यवसायलाई बाधा पुर्याएका कारण गरिएको बताईए पनि आधिकारीक जानकारी अझै स्पष्ट नभएको एनएचकेले जनाएको छ ।
समाचार अनुसार सुरक्षा एजेन्सीहरुले घटनाको छानविन भईरहेको केहिलाई पक्राउ गरिएको जनाएको छ ।