टोकियो
जापानको कावासाकि शहरमा परिवार सहित बसोबास गर्ने पोखरा घर भएका मदनकुमार श्रेष्ठको शनिबार कावासाकि शहरमा नै अन्तेष्ठी सम्पन्न भएको छ ।
बिगत करिब एक दशक देखि सपरिवार जापानमा बसोबास गरेका ५२ बर्षिय श्रेष्ठ केहि समय अघि नेपालगई जापान फर्किएका थिए ।
साथि भाईहरुसग सजिलै घुलमिल हुन सक्ने श्रेष्ठले पेटमा समस्या आएपछि सामान्य अवस्थामा हस्पिटल भर्ना भएकोमा उनलाई बचाउन नसकिएको परिवारले जानकारी दिएको छ । उपचारका क्रममा स्वास्थ्यमा थप समस्या देखिको थियो । श्रेष्ठको उपचारका क्रममा नै मृत्यु हुन पुगेको कास्की पोखरा समाज जापानका अध्यक्ष संन्देश अधिकारीले निष्पक्ष न्यूजलाई जानकारी दिनु भयो ।
कावासाकी शहरमा नै श्रेष्ठको अन्तेष्टी सम्पन्न भएको छ । श्रेष्ठको परिवारलाई कास्की पोखरा समाज जापानको संयोजनमा रकम संकलनगरी परिवारलाई हस्तान्तरण गरिएको समाजले जनाएको छ ।