एजेन्सी
फिफा विश्वकप २०२२ अन्तर्गत समूह एचको शुक्रबार भएको खेलमा दक्षिण कोरियाले पोर्चुगलमाथि २–१ गोलको जित हात पारेको छभने समुह चरणको अन्तिम खेलमा ब्राजिल क्यामरुनसँग पराजित भएको छ।
शुक्रबारको खेलको पाँचौं मिनेटमा रिकार्डो होर्टाको गोलमा पोर्चुगलले अग्रता लिएको थियो। तर २७ औं मिनेटमा कोरियाले गोल फर्कायो।
किम योङग्वोनले गोल गर्दै खेल बराबरी गरेका थिए। खेलको इन्ज्युरी समयमा कोरियाका ह्वाङ हिचाङले निर्णायक गोल गरेका थिए।
यद्यपि हारको बाबजुद पोर्चुगल समूह विजेता बन्दै नकआउट चरणमा प्रवेश गरेको छ भने दक्षिण कोरिया पनि उपविजेताको हैसियतमा नकआउट चरणमा पुगेको छ।
लुसैल स्टेडियममा शुक्रबार मध्यराति भएको खेलमा ब्राजिल क्यामरुनसँग १–० गोल अन्तरले पराजित भएको हो।
समुह चरणको पहिलो खेलमा सर्वियालाई २–० ले हराएको ब्राजिलले अर्को खेलमा स्विटजरल्याण्डलाई १–० ले पाखा लगाएको थियो। अन्तिम १६ मा ब्राजिलले दक्षिण कोरियासँग खेल्नेछ।