एजेन्सी
गएराती सम्पन्न खेलहरुमा ईंग्ल्यान्ड, नेदरल्यान्डले जित निकालेका छन भने वेल्स र अमेरीका १-१ गोलगरी अंक बाढेका छन ।
इरानविरुद्ध इंग्ल्याण्डले शानदार जीत निकालेको छ । समूह बी अन्तरगतको पहिलो खेलमा इंग्ल्याण्ड ६–२ गोलअन्तरले विजयी बनेको हो ।
इंग्ल्याण्डको जीतमा लागि बुकायो सकाले दुई तथा जुड बेलिङहम, राहिम स्टर्लिङ, मार्कस रासफोर्ड र ज्याक ग्रिलिसले १–१ गोल गरेका हुन् । इरानका लागि मेहदी तारेमीले दुई गोल फर्काए
गएराती नै सम्पन्न दोश्रो खेलमा कोडी गाक्पोको निर्णायक गोलमा नेदरल्याण्डस्ले कतार विश्वकपमा विजयी सुरुवात गरेको छ।
सेनगलका चर्चित खेलाडी मानेको अभाव देखिएको दोहास्थित अल थुमामा स्टेडियममा सोमबार राति समूह ए को खेलमा सेनेगललाई २-० ले पराजित गरेको हो।
कतारमा जारी फिफा विश्वकप फुटबलमा वेल्स र अमेरिकाले बराबरी खेल्दै अङ्क बाडेका छन् । सोमबार राति भएको खेलमा वेल्स र अमेरिकाले १–१ गोलको बराबरी खेलेका छन् । अहमद बिन अलि स्टेडियममा वेल्सका लागि ग्यारेथ बेलले गोल गर्दै टिमलाई हारबाट जोगाएका हुन् ।
खेलको ३६ औँ मिनेटमा टिमोथी वेहले गोल गर्दै अमेरिकालाई सुरुवाती अग्रता दिलाएका थिए । बेलले खेलको ८२ औँ मिनेटमा पेनाल्टीबाट गोल गर्दै वेल्सलाई १–१ गोलको बराबरीमा ल्याए । बराबरीसँगै समूह ‘बी’ मा वेल्स र अमेरिकाले एक–एक अङ्क पाएका छन् ।