टोकियो
जापानको राजधानी टोकियो लगायतका २१ ओटा प्रान्तका जारी आपतकाल तथा १२ ओटा प्रान्तमा जारी अर्ध आपतकाल केहि स्थानहरुमा सेप्टेम्बर १२ पछि पनि लम्बिने भएको छ ।
दैनिक संक्रमित संख्यामा केहि सुधार हुँदै आएको भएतापनि, गम्भीर बिरामीहरु सहित मृत्यू दर बढेको एवं अस्पातल अभाव अझै बढ्दो क्रममा रहेको छ । यहि अवस्थामा हाल कायम आपतकालिन् अवस्था सबै प्रान्तहरुमा हटाउँदा केहिदिनमै पुन: संक्रमण महामारी फैलिने सम्भावना रहेको परिस्थिति विश्लेषण सहित टोकियो, ओसाका लगायतका अति प्रभावित क्षेत्रहरुमा आपतकाल लम्बाउने विषयमा सरकारले विभिन्न सरोकारवाला मन्त्रालय तथा विषय विज्ञहरुसंग छलफल तीव्ररुपमा अघि बढाएको छ ।
आपतकाल कति बढाउने भन्ने बारेमा जापान सरकारले सेप्टेम्बार ९ तारिख धोषण गर्ने जापानी समाचार माध्यमले जनाएका छन ।