टोकियो
आईतबार (३१ तारिख) सम्पन्न भएको जापानमा संसदको तल्लो सदन प्रतिनिधि सभाको आमनिर्वाचनमा सत्तारुढदल लिबरल डेमोक्र्याटिक पार्टीले एक्लै २६१ सिटको ल्याइ एकल बहुमत प्राप्त गरेको छ ।
कुल कुल ४ सय ६५ सिटका लागि भएको निर्वाचनमा एलडिपी एक्लैले २४४ सिटमा जित हासिल गरेको हो । प्रधानमन्त्री पद सम्हालेको निकै छोटो समयमा आम निर्वाचन गराएका किशिदा फुमिओको सरकारको पहिलो चुनौती सकिएको छ ।
निर्वाचनको अन्तिम मत परिणाम अनुसार एकल सिटतर्फ कन्सिच्युसनल डेमोक्रेटिक पार्टीले ९६, कोमेइतोले ३२, कम्युनिस्ट पार्टीले १०, निप्पोन इसिन नो काई (जापान इनोभेसन पार्टी)ले ४१, डेमोक्रेटिक पार्टी फर द पिपुलले ११, रेइवा शिनसेनगुमीले ३, सोसल डेमोक्रेटिक पार्टीले १ र स्वतन्त्रले १० सिटमा आफ्नो जित्न सफल भएका छन् । त्यस्तै समानुपातिक तर्फको १ सय ७६ सिटमा एलडिपीले ७२ सिट ल्याएको छ । यो सन २०१७ को आम निर्वाचनको भन्दा सुध्रिएको नतिजा हो । त्यस समय यो संख्या केबल ६६ रहेको थियो । कन्सिच्युसनल डेमोक्रेटिक पार्टीले ३९, कोमेइतोले २३, कम्युनिस्ट पार्टीले ९ सीट ल्याउदा विगतमा भंदा २ सिट गुमाएको छ । निप्पोन इसिन नो काई (जापान इनोभेसन पार्टी)ले २५, सोसल डेमोक्रेटिक पार्टीले ५ र रेइवा शिनसेनगुमीले ३ सिट ल्याउन सफल भएका छन ।
सम्पन्न निर्वाचनमा वहुमत प्राप्त गरेपछि प्रधानमन्त्री किसिदाले सबै मतदातालाई आभार ब्यक्त गरेका छन ।