टोकियो
दुई बर्ष अघि जापानिज भाषा अध्ययनका लागि जापानको फुकुओका आएका गोर्खा १३ देउराली घर भई हिगासी फुकुओकामा बस्ने २३बर्षिय सुजन बर्सिलाको हत्या पुष्टी भएको छ ।
जनवरी सात तारिक राति आफनै कोठामा हत्या भएको जापान प्रहरीले जानकारी दिएको हो । कोठामा सगै बस्ने ढकाल थरका युवा रदर्लामि मगर थर भएका युवाले कुटपिट पछि घाटी अठ्यार हत्या गरेको पोष्टमार्टम रिपोर्ट प्राप्त भएको पारिवारिक श्रोतले निष्पक्षन्यूजलाई जानकारी दिएको हो ।
जापानको याहु न्यूज र एनएचके अनलाईको न्यूज अनुसार तिन जना सगै बसि मादक प्रदार्थ सेवन गरेकोमा, तिन जनामा झगडा भएकोहुन सक्ने मृतक बर्सिलाको पोष्टमार्टम रिपोर्टमा बताईएको छ । मृतक सुजनको अनुहार सहित शरिरमा गम्भिर चोट लागेको, अनुहारसुनिएको एवं घाटीमा पनि गम्भिर दाग रहेको बताईएको छ ।
बर्सिलाको मृत्यू श्वासप्रस्वासमा अवरोध भएको कारणले भएको पोष्टमार्टममा उल्लेख गरिएको छ ।
जनवरी ७ तारिक बर्सिलाको कोठामा सगै मदिरा पिउन सोहि कोठामा बस्ने ढकाल थरका युवा र कुमामोतो बस्ने दर्लामी मगर थरकायुवालाई बर्सिलाले नै बोलाएको बुझिएको छ । त्यसराति सगै रमाईलो गरिरहेको साथिहरुका विच के कति कारणले हत्या सम्म पुग्यौत्यसको अनुसन्धन जापान प्रहरीले जारी राखेको छ ।
मृतक बर्सिला र ढकाल थरका युवा हिगासी फुकुओकामा बसेका थिएभने बर्सिला साकुरा निहोन गोक्कोमा अध्यन गर्ने गर्दथे ।
बर्सिलाको अन्तिम संस्कार जापानमा नै गरिने
फुकुओकामा हत्या भएका २३ बर्षिय सुजन बर्सिलाको शवलाई जापानमा नै अन्तेष्टी गरिने पारिवारिक श्रोतले जानकारी दिएको छ ।पोष्टमार्ष्टम सकिए पछि प्रहरीले जापानमा रहेका सुजनका आफन्तलाई अन्तिम काजकार्यगर्न अनुरोध गरेको हो ।
गोर्खा समाज जापानका अध्यक्ष सिएम भट्टराईले परिवारको सल्लाहमा सबै सहयोग गर्न सहयोग समिति बनाई काम शुरु गरिएको जानकारी दिनु भएको छ ।
जनवरी ११ तारिकमा जापान प्रहरीले पोष्टमार्ष्टम लगायतका कार्य सकिएको भन्दै शवको अन्तिम कार्य गर्न पत्रचार गरेको थियो ।नेपालमा रहेका परिवारले शवलाई नेपाल नै पठाउन अनुरोध गरेकोमा कोरोना लगायतका समस्याका कारण जापानमा नै अन्तिम कार्यगरिने सुजनाका आफन्तले जानकारी दिएका छन ।