टोकियो
सुन्दर सपना सजाएर २१ बर्ष अघि म्याग्दीको शिखबाट जापान आएका चमानसिह पाईजाको ४९ बर्षको उम्मेरमा जापानको आईचि केनको टोयोटामा निधन भएको छ ।
लामो समय जापान बसेका पाईजा टोयोटा स्थित कोठामा अचनक बेहोस भई उपचारका लैगि हस्पिटल लगिएकोमा डाक्टरले राईजालाई मृत घोषित गरेका थिए ।
केहि समय अघिबाट सुगरको औषधि सेवन गरेका पाईजाको मृत्यू मुटुमा आएको समस्याका कारण भएको जापान प्रहरीले जानकारी दिएको म्याग्दी संजाल, जापान (मोना) अध्यक्ष सचिन श्रेष्ठले निपष्क्ष न्यूजलाई बताउनु भयो ।
लामो समय टोयोटामा रहेको जापानिज कम्पनीमा कार्यरत पाईजाको मृत्यू पछिको अन्तिम सस्कार जापानमा भए, चाहिने रकम पाईजा कार्यरत कम्पनीले नै ब्यवस्था गर्ने जानकारी दिएको मोना जापानले बताएको छ । मोना जापानका अध्यक्ष सचिन श्रेष्ठ र महासचिव गणेश श्रेष्ठले सोमबार एक समावेदन विज्ञप्ती जारी गर्दै शोक ब्यक्त गरेको छन ।
मृतक पाईजाको श्रीमती सहित छोरी हाल काठमान्डौमा बसोबास गर्ने बताईएको छ ।